Seçki məntəqələrinin çoxu fiziki imkanları məhdud olan şəxslər üçün adaptə olunmayıb

Marneuli Bələdiyyəsində 89 seçki məntəqəsi 21 oktyabrda seçicilər üçün açılacaq. 84 min seçici arasında fiziki imkanları məhdud olan şəxslər də var ki, onlar üçün yalnız 14 seçki məntəqəsi adaptə olunub.

22 saylı seçki komissiyasının sədri Koba Asanidzenin sözlərinə görə, Marneulinin seçki məntəqələrinə gedən fiziki imkanları məhdud olan şəxslərin sayı seçkidən sonra məlum olacaq. Ona qədər isə bu haqda məlumatı yoxdur.

“Bütün uyğunaşdırılmış məntəqələrdə fiziki imkanları məhdut seçicilər üçün kabinələr quraşdırılıb. Belə 10-12 məntəqə var”.

Qeyd olunan faktı “Müstəqil yaşa üçün” qeyri hökumət təşkilatının direktoru Qiorqi Dzenaledze diskriminasiya olaraq qiymətləndirdi.

“Bu ölkədə fərqli fiziki imkanlara malik şəxslərin olduğunu həmişə unudurlar. Bu diskriminasiyadır. Bu formal olaraq uyğunlaşdırılıb. Seçici çox vaxt kabinəyə gedə bilmir. Bu məntəqələrin uğunlaşdırılması MSK-ya aid deyil. Problem onun Seçilməsindədir”.

Marneuli Sosial Xidmət Agentliyindən qeyd etdiklərinə görə, bələdiyyədə 18 yaşdan yuxarı cəmi 2071 nəfər fiziki imkanları məhdud olan şəxs var. Ancaq nə bu müəssisədən nə də ki, Mərkəzi Seçki Komissiyasından məlumat vermirlər ki, onlardan neçəsi seçicidir. 89 məntəqədən 14 seçki məntəqəsi fiziki imkanları məhdud olan şəxs seçicilər üçün yetərli olacaqmı heç kim bilmir.

Mənbə: “Marneuli” Radiosu

Reklamlar

40-a qədər turist yalnız İmirin qazılmış təpəsinə baxmaq üçün gəlib

   Dünyadakı ən qədim üzüm çəyirdəklərinin tapıldığı İmir kəndindəkiu qazıntılar aparılan təpə möhürlənib və müvafiq olaraq orada işlər davam etdirilmir. Hər il may ayında Toronto Universitetinin araşdırma layihəsi çərçivəsində İmirin qazıntılar aparılan təpəsində arxeoloji araşdırmalar aparılır. İşlər tamamlandıqdan sonra isə sadə qaydada möhürlənir və yeni işlərin aparılması üçün bir il gözləyir.

Toronto Universiteti ilə birgə həmin yerdə yerli özünüidarəetmə orqanı da çalışır. Marneuli bələdiyyəsinin icra hakimiyyətinin mədəniyyət şöbəsinin nümayəndəsi Elquca Kupatadzenin dediyinə görə, həmin yerdə artıq daşqın təhlükəsinin qarşısını almaq üçün sahil bərkitmə işləri aparılıb.

“Cümə günü infrastruktur xidməti ilə birgə ora getdik. Zərər dəyməməsi üçün hasara alınması layihəsini planlaşdırdıq. Paralel olaraq abidənin üstünün örtülməsi konsepsiyası üzərində də çalışırıq”.

Elquca Kupatadze onu da bildirdi ki, abidə ətrafında infrastrukturun inkişaf etməməsinə baxmayaraq,Ş turistlər yenə də gəlirlər. Yerli özünüidarəetmə orqanının məlumatına görə 30-40 nəfər turist İmirdə qazıntı aparılan təpəni görmək üçün gəlib.

Mənbə: “Marenuli” Radiosu

N1 saylı ictimai məktəbin gələn ildən yeni binası olacaq

Marneulinin bir saylı azərbaycan dilli məktəbi illər ərzində qəzalı vəziyyətdə idi. Bir ildən çoxdur ki, məktəbin şagirdləri Marneulinin səkkiz saylı ictimai məktəbinə sığınıblar.

Məktəb direktoru Ketevan Merabişvili deyir ki, 1930-cu ildən sonra məktəbdə heç bir təmir işləri aparılmayıb. O, qeyd edir ki, orada təhsil almaq mümkün deyilmiş.

“Vəziyyət o yerdə idi ki, sinif otaqlarında dərs keçmək mümkünsüz idi. Tavandan su tökülürdü”.

Ketevan Merabişvilinin sözlərinə görə, onlar Gürcüstanın Elm və Təhsil Nazirliyinə 3,4 il bundan əvvəl müraciət ediblər. Onların dəstəyi ilə bu il məktəbin tikintisi planlaşdırılır. Məlumatı Marneuli Resurs Mərkəzinin direktoru Kənan Ömərov da təsdiqlədi.

“Bizdə olan məlumata görə tender də qalib gələn firma tərəfindən yaxın günlər ərzində məktəbin yeni binasının tikintisinə başlanacaqdır”.

Marneulinin bir saylı azərbaycan dilli məktəbinin direktorunun sözlərinə görə məktəbin tikinti müqavilənin rəsmiləşdirilməsindən 9 ay müddətində başa çatacaq.

Mənbə: “Marneuli” Radiosu

“Avropalı Gürcüstan”ın proporsional siyahısındakı ilk onluğun tərcümeyi-halı

Yerli özünüidarəetmə seçkiləri yaxınlaşır. Bununla bağlı Radio Marneuli “Avropalı Gürcüstan”ın proprsial siyahıda namizədlərinin kimlər olduğunu aydınlaşdırmağa çalışdı.

“Avropalı Gürcüstn”ın proprosial siyahı ilə, sakrebulo üzvlüyünün ilk 10 namizədinin qısa tərcümeyi halının təqdim edirik.

1.  “Avropalı Gürcüstan”ın proprsial siyahı ilə birinci namizədi Əhməd İmamquliyevdi. O, 1980-ci ildə Türkmənistanda anadan olub. Orta təhsilini Marneulinin N2 saylı ictimai məktəbində alıb. Ali təhsilini Gürcüstan Texniki Universitetində, hüquq istiqamətində alıb. 2003-2004-cü illərdə Marneuli şəhərinin yerli özünüidarəetməsində, yerli vergilər üzrə ekspert olaraq çalışıb. 2004-2005-ci illərdə Prokredit Bankda kredit eksperti olaraq çalışıb. 2005-2010-cu illərdə İmamquliyev özəl biznesdə çalışıb. 2010-2011-ci illərdə isə Marneuli Bələdiyyəsinin nəzarət xidmətinin əməkdaşı olub. 2011-2012-ci illərdə Privat Bankda “Qızıl klubunun” əməkdaşı olaraq çalışıb. 2012-ci ildən 2014-cü ilə qədər İmamquliyev özəl biznesə qayıdıb və özünün dediyinə görə, dostları ilə birgə xaricdə çalışıb. 2014-2016-cı illərdə isə o, “Vahid Milli Hərəkat”ın üzvü olub. 2017-ci ildən, Əhməd İmamquliyev “Avropalı Gürcüstan” partiyasının şurasının üzvü və rayon təşkilatının sədri olub. İmamquliyevin dediyinə görə, “Avropalı Gürcüstan”ın sırasına keçməyə partiya liderlərinə görə qərar verib.

2. “Avropalı Gürcüstan”ın proprsial siyahı ilə ikinci namizədi Azad Kərimovdur. 1989-cu ildə Marneulinin Bəylər kəndində anadan olub. Orta təhsilini o, Marneuli N8 saylı ictimai məktəbində alıb. 2007-ci ildə Türkiyədə Mustafa Qermirli İmam Hatib litseyini bitirib, 2012-ci ildə isə Beynəlxalq Qafqaz Universitetinin biznes və idarə fakultəsini bitirib. 2010-2014-cü illərdə “Sokarda” çalışıb. 2014-cü ildən 2016-cı ilə qədər “Vahid Milli Hərəkatın” Marneuli qərargahının rəhbəri olub. 2016-cı ildən sonra isə Avropalı Gürcüstanın Marneuli ofisinin qərargha rəhbəridir. Azad Kərimovun sözlərinə görə, sakrebulo üzvü olmağı əhalinin problemlərinin həlli üçün istəyir.

3. Proporsial siyahının 3-cü namizədi Adil Qurbanovdur. Qurbanov 1985-ci ildə Marneuli rayonunun Dəmyə-Görarxı kəndində anadan olub. Dəmyə-Görarxı ictimai məktəbini bitirib. Kənd təsərrüfatı ilə məşğuldur, özəl biznesi var. Adil Qurbanovun dediyinə görə, sakrebulo uzvü olacağı təqdirdə öz kəndinin problemlərini həll etməyə çalışacaq.

4. “Avropalı Gürcüstan”ın proprsial siyahıda dördüncü nömrəsi Anar Kələyevdir. 1980-ci ildə Marneulidə anadan olub. Gürcüstan Texniki Universitetinin, gömrük fakultəsini bitirib. 1988-ci ildən, 3 il ərzində satış xidmətində çalışıb. Bir il ərzində isə yanğın söndürən xidmətində növbətçi olaraq çalışıb. Anar Kələyevin sözlərinə görə, o, marağı olduğuna görə partiyanın üzvü olub.

5. Anar Zeynalov “Avroplaı Gürcüstan”ın proprsial siyahısında beş nömrə olaraq təqdim olunub. O, 1978-ci ildə, Marneuli rayonunun Qızılhacılı kəndində anadan olub. Marneulinin N4 saylı ictimai məktəbini bitirib. 1999-cu ildən 10 il ərzində bədən tərbiyəsi müəllimi olaraq çalışıb. İndi isə özəl biznesdədir. Zeynalovun sözlərinə görə, “Avropalı Gürcüstan”ın üzvlüyünə, siyasi liderlərə qarşı olan simpatiyasına görə qərar verib.

6. Farik Mursaqulov “Avropalı Gürcüstan”ın proprosial siyahısında altıncı nömrə. Marneulidə 1991-ci ildə anadan olub, orta təhsillidir, Marneuli altı saylı ictimai məktəbini bitirb. Ali təhsil almayıb, ancaq biznes sahəsində iş təcrübəsi var. Mursaqulov danışır ki, niyə karyerasını “Avropalı Gürcüstan”a bağlayıb və deputat olduğu halda nə edəcək.

7. Niko Qveladze “Avropalı Gürcüstan”ın proprsial sıyahısında yeddinci nömrədir. 1985-ci ildə Marneuli bələdiyyəsinin Saimerlo kəndində anadan olub. 2003-cü ildə orta məktəbi bitirib və ali təhsilini “Gürcüstanın Davit Ağmaşenebli adına Universitetində” beynəlxalq iqtisadiyyat istiqamətində davam etdirib. Magistr dərəcəsini “Ukrayna-Gürcüstan Universitetində” alıb. 2011-ci ildə Müdafiə Nazirliyinin Hərbi Polis kursu keçdikdən sonra Baş Müfəttiş olaraq Hərbi Polis Departamentində çalışıb. Qveladzenin bildirdiyinə görə, “Avropalı Gürcüstan”nın sırasına ona görə qatılıb ki, partiyanın işlə təmin etmə siyasətini bəyənir. O, sakrebuloda nə edəcəyi haqqında da danışdı.

“Avropalı Gürcüstan”ın proprsial siyahısında səkkizinci, doqquzuncu və onuncu nömrələri qadınlar tutur. Biz onların telefon nömrələrini partiyadan aldıq. Baxmayaraq ki, həmin nömrələr onların atalarının nömrəsi imiş, məlum oldu ki, onlardan birinin əlaqə nömrəsi yoxdur.

8. Həmin qadın Mehbarə Süleymanovadır. O, siyahıda səkkizinci nömrədir. 1988-ci ildə marneulinin Sadaxlı kəndində anadan olub. 2005-ci ildə Dəmyə-Görarxı ictimai məktəbini bitirib. Orta təcrübəsi belə yoxdur. Evdar xanımdır.

9. Qasımova Şəfiqə “Avropalı Gürcüstan”ın proprsial siyahısında doqquzuncu nömrədir. 1994-cü ildə anadan olub. Marneulinin altı saylı ictimai məktəbini bitirib və ali təhsilini maliyyə istiqamətində “Açıq Tədris Universitetində” alıb.

10. Kəmalə Darğallı “Avropalı Gürcüstan”ın siyahısında onuncu nömrədir. 1994-cü ildə anadan olub. Marneulinin iki saylı ictimai məktəbini bitirib və indi “Gürcüstan Texniki Universitetinin” biznes istiqamətində tələbədir. Bankda kredit offiseri vəzifəsində çalışır. “Avropalı Gürcüstan”ı niyə seçib konkret cavabı yoxdur.

“Marneuli” Radiosu

“Gürcü Arzusu”nun proporsional siyahısındakı ilk onluğun tərcümeyi-halı

   Yerli seçkilərə 18 gün qalıb. “Gürcü Arzusu”nun proporsial siyahısının ilk onluğu artıq bizə məlumdur. Biz çalışacağıq ki, onları sizə tanıdaq.

1. Amiran Qiorqadze – “Gürcü Arzusu”nun proporsial siyahısında birinci nömrədir. 1985-ci ildə Saimerlo kəndinin ictimai məktəbini bitirib. 1985-1992-ci illərdə Gürcüstan Texniki Universitetində mühəndis-mexanik fakultəsində təhsil alıb. 1992- 2005- illərdə Marneulinin Regional Polisində müxtəlif vəzifələrdə çalışıb. 2005-2012-ci ilə qədər özəl biznesdə xidmət göstərib. 2012-ci ildə “Gürcü Arzusu”nun sırasına qoşulub. 2014-cü ildə “Gürcü Arzusu”nun sədri olub. 2014-2017-ci ildən Marneuli Bələdiyyəsinin Sakrebulo üzvü və fraksiya sədri olub. Həyat yoldaşı və bir övladı var.

2. Besik Gelenidze – “Gürcü Arzusu”nun proporsial siyahıda ikinci nömrəsidir. 1976-cı ildə Xoni kəndində anadan olub. İxtisasca iqtisadçı-hüquqşünasdır, 2000-ci ildə Gürcüstan Aqrar Universitetini bitirib. 1998-2006-cı ildə Marneuli Sakrebulosunun katibi olub. 2014-2015-ci illərdə Gürcüstan Milli Statistika Xidmətində Marneulinin Munisipal Nəzarətçisi olaraq çalışıb. Həyat yoldaşı və bir övladı var.

3. Mamuka Naveriani – “Gürcü Arzusu”nun proporsial siyahısının üçüncü nömrəsidir. Burada siz onun haqqında məlumat oxuyası və interviu dinləməli idiniz ancaq o bütün gün ərzində bizim zənglərimizə cavab vermədi.

4. Marneulinin “Gürcü Arzusu” qərargahı tərəfindən təqdim olunan rəsmi siyahıya əsasən, proporsial siyahının dördüncü nömrəsi Nikoloz Qoqocuriadır. Ancaq o, bizimlə söhbət zamanı “Gürcü Arzusu” ilə hər hansı əlaqəsinin olmasını inkar etdi. Qoqocurianın sözlərinə görə, o, “Konservatorlar” partiyasının üzvüdür və adının niyə bu siyahıda olduğunu bilmir.

5. Nodar Mtvarelidze – “Gürcü Arzusu”nun proporsial siyahısında beşinci nömrədir. İxtisasca hüquqşünasdır. (Burada snx olacaq) Bu günə qədər tənbəki biznesinə qoşulub və Marneulidə restoranı var. Həyat yoldaşı və iki övladı var.

6. Zurab Panqani – “Gürcü Arzusu”nun proprosial siyahısında altıncı nömrədir. Mestiada anadan olub və on yaşından Marneuli bələdiyyəsində yaşayır. İxtisasca iqtisadçıdır, özəl tədris müəssisəsini bitirib. 2017-ci ilə qədər siyasətdə olmayıb və özəl bizneslə məşğul imiş.

7. Qivi Qiorqadze – “Gürcü Arzusu”nun proprsial siyahısında yeddinci nömrədir. 1983-cü ildə Kənd Təsərrüfatı İnstitutunu, ixtisasca Aqronomluq bitirib. Həyat yoldaşı və iki övladı var.

8. Davit Xutsişvili – “Gürcü Arzusu”nun proporsial siyahısında səkkizinci nömrədir.1988-ci ildə Tamarisi kəndində anadan olub. 2005-ci ildə ictimai məktəbdə təhsilini bitirib. 2006-2008-ci illərdə Marneuli Stomotoloji kollecində təhsil alıb. Sonrakı illərdə Gürcüstan Texniki Universitetində, Dəmiryolu mühəndisliyi fakultəsində təhsil alıb və Marabda-Axalkalak-Qars dəmiryolu bölməsində çalışıb. 2014-cü ildən bu günə qədər “Gürcüstan Liberti Bank”da çalışır. Həyat yoldaşı və bir övladı var.

9. Nikoloz Mumladze – “Gürcü Arzusu”nun proprsial siyahıda doqquzuncu nömrədir. 1985-ci ildə “Bədən Tərbiyəsi üzrə Dövlər İnstitutunu” bitirib, Moskva Ali Polis Akademiyasında qiyabi təhsil alırmış. 2001-ci ildə hüquq istiqamətində İvane Cavaxişvili adına Tbilisi Dövlət Universitetini bitirib. Ağır atletika üzrə idmançı və bir neçə qat çempiondur. O, illər ərzində hərbi müəssisələrdə, Gürcüstanın Daxili İşlər Nazirliyində çalışıb. 1992-1995-ci illərdə Marneuli Bələdiyyəsinin icra başçısı olub. Nikoloz Mumladzeni siyasi baxışına görə 2012-ci ildə həbs ediblər və onun azad olunması “Gürcü Arzusu”nun hakimiyyətə gəlməsindən bir neçə gün sonra baş verib. 2013-2014-cü illərdə Marneulinin icra başçısı, Merab Topçişvilinin müavini olub. Həyat yoldaşı və bir övladı var.

10. Tornike Qoqlidze – “Gürcü Arzusu”nun proporsial siyahısında onuncu nömrədir. 1990-cı ildə anadan olub. Asureti kəndində ictimai məktəbi bitirib və 2009-cu ildə Gürcüstan Texniki Universitetinə qəbul olub. İxtisasca maliyyəçidir. Həyat yoldaşı var.

“Marneuli” Radiosu

Marneulinin palçıqlı bazarı

Marneulidə artıq bir neçə gündür ki, yağış yağır. Marneulinin topdan satış bazarının ərazisində yolun dəlikləri yağış suyu ilə dolub. İntensiv şəkildə maşınlar və yük maşınları hərəkət edirlər. Bazara gedən yol və bazar ərazisi palçıqlı şəkildədir.

Bizim jurnalistimiz Amil Məmmədov bazar ərazisində olub. Orada yol probleminin həll edilməsinin kimin öhdəliyində olduğunu aydınlaşdırmağa çalışıb. Çalışanlardan müsabibə almaq münkün olmayıb. Çünki onlar bazardan atılmaqdan çəkinirlər. Bazar qoruması jurnalisti görən kimi oradan uzaqlaşıb. Bu çətinliklərə baxmayaraq biz bir neçə nəfərdən müsahibə ala bildik. Həmin insanlar isə komfortsuz mühitdə çalışmaqdan əziyyət çəkirlər.

Biz Marneulinin topdan satış bazarının direktoru Elquca Xarşiladze ilə əlaqə saxladıq. O, bazar yolunun reabilitasiyasının onun səlahiyyətində olduğunu, ancaq çalışanların buna imkan vermədiyini deyir.

“Mən onlar üçün çox gözəl bazar tikdim.  Ora getsinlər və işləsinlər. Ora çox təmizdir. Onlar isə çirkli yerdə işləməyi seçirlər.   Bazarda işləyən əhali içəri girmirlər ki, mən o ərazini düzəltdirim. Mən nə edim. Planlaşdırıram ki, təmir etdirim. Ona görə ki, xalq qapalı bazara  getməlidir. Onlar orada durmaqla mənə mane olurlar”.

“Marneuli” Radiosu

İmdad Şərifov “Birləşmiş Yeni – Gürcüstan” partiyasının mer vəzifəsinə namizədi oldu

Seçki bloqu “Qiorqi Vaşadze – Birləşmiş Yeni – Gürcüstan” Marneulidə merliyə namizədini seçkilərə 16 gün qalmış elan etdi. İmdad Şərifovun təqdimatı Ata Holdinqin ətraf ərazisində baş tutdu.

Təqdimatda 50 nəfərə yaxın iştirakçı var idi.

Marneuli üçün pis havalarda elektrik enerjisinin söndürülməsi təəcüblü deyil. Təqdimata qədər sönmüş elektrik enerjisini Qiorqi Vaşadze onlara qarşı diversiya olaraq qiymətləndirdi. İştirakçılara rus dilində müraciət etdi.

İmdad Şərifov Marneuli sakinidir. O, Qiorqi Vaşadzenin sözlərinə dəstək olaraq bildirdi ki, seçildiyi təqdirdə bütün problemləri həll edəcək.

Doğrudur, bizim jurnalistin mövcud problemləri necə həll edəcəyinə dair sualına cavab verməsə də, iştirakçılardan biri bildirib ki, Şərifov bu vəzifə üçün əvəzolunmaz şəxsdir.

İmdad Şərifov 30 yaşındadır. Marneulinin üç saylı ictimai məktəbini bitirib.

O, Gürcüstanın gömrük akademiyasının məzunudur. 2006-2007-cı illərdə Marneuli bələdiyyəsində Zaza Dekanoidzenin icra başçılığı dövründə onun müavino olaraq, 2007-2010-cu illərdə isə quberniya administrasiyasında  çalışırmış.

2009-2011-ci illərdə Daxili İşlər Nazirliyinin Kvemo Kartli idarəçiliyində çalışıb. Vaşadzenin partiyasına isə özəl biznesdən gedib.

“Marneuli” Radiosu

GÜC BİRLİKDƏDİ